പച്ചക്കറികള്ക്കുപുറമെ ചേന, മധുരക്കിഴങ്ങ്, കപ്പ തുടങ്ങിയ ഇനങ്ങളും കൃഷിചെയ്യുന്നുണ്ട്. മിക്കയിടങ്ങളിലും വിളവെടുപ്പും ആരംഭിച്ചുകഴിഞ്ഞു. പഞ്ചായത്തിന്റെയും കൃഷിഭവന്റെയും സഹകരണം തൊഴിലാളികള്ക്ക് ലഭിക്കുന്നുണ്ട്. 11-ാം വാര്ഡിലെ വര്ണം ലേബര്ഗ്രൂപ്പ് പ്രാഥമികാരോഗ്യകേന്ദ്രത്തിനോട് ചേര്ന്നുള്ള 50 സെന്റ് സ്ഥലത്തിറക്കിയ മധുരക്കിഴക്ക് കൃഷിയിലെ വിളവെടുപ്പ് തുടങ്ങി. പഞ്ചായത്ത് പ്രസിഡന്റ് കെ. മുരളി ഉദ്ഘാടനം നിര്വഹിച്ചു. കൃഷി ഓഫീസര് വി.പി. സിന്ധു അധ്യക്ഷയായി.
തൊഴിലുറപ്പ് അസി. എന്ജിനീയര് മഞ്ജു, രാമനുണ്ണി, ഗിരീഷ് തുടങ്ങിയവര് പങ്കെടുത്തു. 15 രൂപ നിരക്കിലാണ് കിഴങ്ങ് നല്കിയത്. ഇതില്നിന്നുലഭിച്ച വരുമാനത്തില്നിന്നുള്ള ഒരു തുക പഞ്ചായത്തിലെ പാലിയേറ്റീവ് പ്രവര്ത്തനങ്ങള്ക്കായി തൊഴിലാളികള് കൈമാറി.
